Peja e nis me fitore Ligën Unike

Basketboll

Peja e nis me fitore Ligën Unike

Më: 24 tetor 2021 Në ora: 19:46
Peja e nis me fitore Ligën Unike

Peja ka shënuar fitore ndaj Teutës së Durrësit në udhëtim me rezultat 73:82 (14:19, 14:19, 20:19, 25:25), në xhiron e parë të Ligës Unike.

Pejanët e nisën ndeshjen më mirë, ku në çerekun e parë kishin deri në 12 pikë epërsi 4:16, megjithatë, durrësakët ngushtuan shifrat në 14:17, ndërsa kjo pjesë përfundon 14:19. Vendasit ngushtuan sërish shifrat në 22:23, por më pas verdhezinjtë sërish ishin më të mirë, duke shkuar në pushim me rezultat 28:38.

Lojë më interesante dhe e barabartë u zhvillua në periudhën e tretë, që përfundoi 20:19, kurse rezultati në semafor pas 30 minutash ishte 48:57. Peja menaxhoi epërsinë e krijuar në 10 minutat e fundit, duke mos iu rrezikuar fitorja dhe triumfoi me rezultat 73:82.

Cameron Saterwhite u dallua te Teuta e Durrësit me 16 pikë e tetë kërcime, ndërsa Henrik Sirko me 22 pikë e 11 kërcime u dallua te Peja.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat