Xhiro e dytë e Ligës Unike mbyllet me dy ndeshje sot

Basketboll

Xhiro e dytë e Ligës Unike mbyllet me dy ndeshje sot

Më: 31 tetor 2021 Në ora: 09:28
Foto ilustrim

Xhiro e dytë e Ligës Unike do të mbyllet sot me dy ndeshje mjaft interesante. 

Dy ndeshjet e para të xhiros së dytë përfunduan gjatë ditës së djeshme (e shtunë), ku Teuta triumfoi ndaj Rahovecit 103:123, gjersa Kamza Basket mposhti Vllazninë e Shkodrës me rezultat 82:72.

Në dy duelet e sotme, Golden Eagle Ylli do të mirëpres skuadrën e Pejës në Suharekë, nga ora 17:00.

Skuadra nga Theranda gjithashtu është kampion i Ligës Unike dhe fitues i Superkupës Mbarëkombëtare.

Të dy skuadrat që e filluan me fitore kanë ambicie të mëdha në këtë edicion, andaj përballja do të jetë shumë interesante.

Në përballjen e fundit do të ndeshen Tirana Neptun dhe Prizreni 16.

Skuadra kryeqytetase fitoi Kupën e Federatës në Shqipëri, kurse Prizreni 16 ka fituar Superkupën e Kosovës. Kryeqytetasit në xhiron e parë mundën Rahovecin, kurse prizrenasit pësuan nga Kamza.

17:00 Golden Eagle Ylli – Peja

19:00 Tirana Neptun – Prizreni 16

commentFirst article
Sot mund të lexoni Shfletoni kopertinat