Shqipëria fiton ndaj Luksemburgut

Basketboll

Shqipëria fiton ndaj Luksemburgut

Më: 25 nëntor 2021 Në ora: 21:13
Shqipëria fiton ndaj Luksemburgut

Kombëtarja e Shqipërisë në basketboll për meshkuj fitoi 92-89 (27-26, 21-20, 20-28, 24-15) ndaj Luksemburgut mbrëmjen e sotme, në takimin e vlefshëm për fazën paraeliminatore të për FIBA Eurobasket 2025, luajtur në mjediset e akademisë “Dhimitraq Goga”.

Kuqezinjtë e drejtuar nga trajneri Afrim Bilali ndodhen në Grupin B, ku skuadra e tretë është Rumania (sot ishte pushim).

Një fitore e vështirë e Shqipërisë, që rrezikoi disi, por në 10-mintëshin e fundit arriti të përmbysë disavantazhin dhe fitojë. Rei Pullazi me 23 pikë ishte shënuesi më i Shqipërisë, mbështetur nga Shestani me 15 pikë, Dusha 12 pikë e Lekndreaj me 11 pikë. Një start i mirë i kombëtares, që merr frenat e grupit dhe ka 2 muaj kohë të përgatisë sfidën e radhës.

Ndeshja ishte e ekuilibruar në 20 minutat e para, me shumë barazime.

Kueqiznjtë udhëheqin 48-46 pas përfundimit të pjesës së parë, ndërkohë që me nisjen e çerekut të tretë vjen shkëputja e skuadrës mike. Luksemburgu udhëheq 74-68 pas 30 minutash lojë, por në periodën e fundit vjen përmbysja e kuqezinjve, që luajnë mirë në mbrojtje dhe janë më të saktë në sulm, duke e merituar fitoren.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat