“Ylli” i NBA-së në karantinë 10-ditore

Basketboll

“Ylli” i NBA-së në karantinë 10-ditore

Më: 1 dhjetor 2021 Në ora: 11:17
“Ylli” i NBA-së në karantinë 10-ditore

LeBron James, pozitiv me Covid-19, pavarësisht se është vaksinuar “për të mirën e ekipit” që në fillim të sezonit. “Ylli” i Lakers, në zbatim të protokollit të NBA-së tani do të duhet të qëndrojë jashtë për të paktën 10 ditë ose do të duhet që tamponët e kryer prej tij me 24 orë diferencë të tregojnë rezultatin negativ, që të mund të kthehet menjëherë mbi parket.

“Mbreti” James u konfirmua pozitiv në Sacramento, ku skuadra nga Kalifornia kishte udhëtuar për takimin e radhës. Ai fluturoi menjëherë drejt Los Angelosit për t’u futur në karantinë.

Frank Vogel, trajneri i Lakers, në lidhje me situatën e James, deklaroi: “Është humbje e madhe për ne. Na vjen keq, i dëshirojmë më të mirën.”

Më pas, në mbrëmje, pavarësisht mungesës së LeBron, Lakers fituan në fushën e “Kings” 117-92.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat