Penza fiton derbin ndaj Prishtinës

Basketboll

Penza fiton derbin ndaj Prishtinës

Më: 1 dhjetor 2021 Në ora: 20:15
Penza fiton derbin ndaj Prishtinës

Penza ka fituar derbin e xhiros së dytë në Ligën Unike të Femrave, duke mundur Prishtinën në kryeqytet me rezultat 74:80 (30:15, 12:22, 17:14, 15:19).

Vendaset e filluan ndeshjen shumë mirë me një seri prej 7:0 dhe vazhduan me lojë të mirë, madje në çerekun e parë arritën epërsi deri në 21 pikë, 27:6, kurse kjo pjesë përfundon 30:15. Mysafiret fillojnë të kundërpërgjigjen në periudhën e dytë, duke ngushtuar epërsinë minutë pas minute dhe e afruan rezultatin në 38:35, ndërsa pjesa e parë përfundon me rezultat 42:37.

Perioda e tretë ishte më e nivelizuar e ndeshjes, që u karakterizua me një epërsi të lehtë të prishtinasve, ndërsa rezultati në semafor pas 30 minutash ishte 59:51.

10 minutat e fundit ishin shumë interesant, ku vashat pejane barazuan rezultatin në 72:72, 2:25 minuta nga fundi. Ato ishin më të mira në momentet vendimtare dhe fituan me rezultat 74:80, që ishte fitorja e dytë në dy ndeshje në Ligën Unike, kurse prishtinaset kanë një fitore dhe një humbje.

Te Prishtina u dallua Sarah Mgbeike me 29 pikë e 14 kërcime, ndërsa te Penza u dallua Rael Whitsitt me 27 pikë e 23 kërcime.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat