Janë luajtur ndeshjet e javës së 6-të të Superligës në basketboll për meshkuj, javë që përkon me xhiron e dytë të Kampionatit Kombëtar.
Skuadra e Teutës udhëheq e vetme renditjen me 11 pikë, pas fitores 105-95 ndaj Kamza Basket. Ndeshje me rivalitet shumicën e kohës, ku diferencën e bëri Pelissier me 23 pikë, më i miri për durrsakë.
Zhgënjen Vllaznia, që në fushën e saj u mund 90-72 nga Tirana, një rezultat disi befasues. Shkodranët luajtën dobët, ndërsa për bardheblutë u dalluan Hysenagolli me 27 pikë e Hysa me 25 pikë.
Partizani fiton 85-53 derbin me Dinamon, duke u hakmarrë për humbjen e javës së parë. Sukses i lehtë i skuadrës së “kuqe”, ku më i miri ishte Vaqarri me 21 pikë.
Superliga – Meshkuj, java e 6-të
Partizani – Dinamo, 85-53
Teuta – Kamza Basket, 105-95
Vllaznia – Tirana, 72-90
Renditja: Teuta 11 pikë, Tirana 10 pikë, Vllaznia 10 pikë, Kamza Basket 9 pikë, Partizani 7 pikë, Dinamo 7 pikë.
