Maxwell, MVP i xhiros së 16-të

Basketboll

Maxwell, MVP i xhiros së 16-të

Më: 18 janar 2022 Në ora: 11:01
Maxwell, MVP i xhiros së 16-të

Java e 16-të e Art Motion Superligës së Kosovës në basketboll dhuroi ndeshje shumë interesante.

Derbi i javës mes rivalëve të vjetër në basketbollin e Kosovës i takoi Pejës, që fitoi ndaj Sigal Prishtinës në kryeqytet me shifrat 93:101.

Pikërisht nga kjo ndeshje vjen edhe MVP i kësaj xhiro. Lojtari më i dalluar në parket ishte Stephen Maxwell i Pejës me 34 pikë, dhjetë kërcime dhe tri asistime, madje ndaj tij janë shkaktuar 13 gabime personale. Maxwell u ndihmua nga Tyrone White me 32 pikë, pesë kërcime dhe dhjetë asistime. Të dy lojtarët janë ndër më të dalluarit te skuadra verdhezi që nga transferimi i tyre.

Një sfidë shumë interesante ishte edhe mes Trepçës dhe Prizrenit 16, ku fituan mysafirët 80:94. Te prizrenasit i jashtëzakonshëm ishte Courtney Fells me 31 pikë, 14 kërcime dhe tri asistime. Në momentet vendimtare Fells dëshmoi aftësitë e tij, duke ndihmuar skuadrën prizrenase të shënojë një fitore shumë të rëndësishme.

Rahoveci shënoi fitore më të vështirë se që është pritur ndaj Dritës, 103:90. Më i dalluari te Vreshtarët ishte Milik Yarbough me dyshifror të trefishtë, 23 pikë, 11 kërcime dhe 10 asistime.

Golden Eagle Ylli shënoi fitore ndaj Bashkimit 78:61, ku u dallua Henrik Sirko me 19 pikë, pesë kërcime dhe nëntë asistime.

Top 5

Stephen Maxwell (Peja) 34 pikë, 10 kërcime, 3 asistime

Tyrone White (Peja) 32 pikë, 5 kërcime, 10 asistime

Courtney Fells (Prizreni 16) 31 pikë, 14 kërcime, 3 asistime

Milik Yarbough (Rahoveci) 23 pikë, 11 kërcime, 10 asistime

Henrik Sirko (Golden Eagle Ylli) 19 pikë, 5 kërcime, 9 asistime.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat