Golden State Warriors kampion i NBA-së

Basketboll

Golden State Warriors kampion i NBA-së

Më: 17 qershor 2022 Në ora: 11:32
Golden State Warriors kampion i NBA-së

Golden State Warriors është shpallur kampione e NBA për të shtatën herë, pasi mundi në ndeshjen e gjashtë Boston Celtics dhe i dha fund serisë së finaleve me rezultatin 4-2.

Luftëtarët triumfuan në orët e para të ditës së sotme 103-90 dhe e nisën ndeshjen me vrull. Periodën e parë ata e morën me rezultatin 27-22, ndërkohë që në periodën tjetër ishin edhe më lart.

Warriors shënuan 10 pikë më shumë dhe diferenca shkoi 15. Boston Celtics reaguan dhe e ngushtuan në 10 pikë distancën, por vetëm kaq, pasi Stephen Curry me shokë nuk lejuan asnjë surprizë dhe fituan titullin kampion.

Curry ishte fantastik, teksa shënoi 34 pikë dhe regjistroi 7 asiste dhe 7 topa të kapur në tabelë. Spikati edhe Andrew Wiggins me 18 pikë, ndërsa Klay Thompson dhe Draymond Green shënuan nga 12 pikë. I fundit dha edhe 8 asiste e kapi 12 topa në tabelë.

Nga ana e Boston Celtics një ndeshje shumë të mirë zhvilloi Jaylen Brown, me 34 pikë. Kurse Al Horford u ndal në 19 pikë dhe 14 topa të kapur në tabelë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat