Përfundon Kampi Nacional i Basketbollit

Basketboll

Përfundon Kampi Nacional i Basketbollit

Më: 30 korrik 2022 Në ora: 20:14
Përfundon Kampi Nacional i Basketbollit

Të shtunën (sot) ka përfunduar Kampi Nacional i Basketbollit, që filloi më 25 korrik.

Ky kamp organizohet nga Federata e Basketbollit e Kosovës (FBK), ndërsa kanë marrë pjesë 24 djem dhe po aq vajza të lindura në vitet 2009-2010. Kampi është mbajtur në “Loyola Gymnasium”, që ka mbështetur kampin.

Basketbollistët/et nën udhëheqjen e trajnerëve kanë punuar pandërprerë nga dita e hënë, nga dy-tri herë në ditë.

Synimi i këtij kampi është zhvillimi i gjeneratave të reja, që më vonë do të jenë pjesë e Përfaqësueseve të Kosovës dhe do të jenë e ardhmja e basketbollit.

Kampi organizohet çdo vit nga Federata e Basketbollit e Kosovës, që ju kushton mjaft rëndësi gjeneratave të reja në të dyja konkurrencat.

Drejtori Teknik i FBK-së, Arben Krasniqi, njëherësh përgjegjës për kampin, çdo ditë ka parë nga afër punën që po bëhet dhe lojtarët/et që do të jenë e ardhmja e basketbollit. Ai ka vlerësuar se ky kamp është shumë i nevojshëm për zhvillimin e gjeneratave të reja, ndërsa ka kaluar pa probleme dhe ku fëmijët kanë mundur të stërviten dhe punojnë në mënyrë profesionale.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat