Basketbolistet dhe basketbollistët e KB “Moni Bau Junior 06”, të drejtuar nga trajnerët Ramush e Qazim Rushiti, po shënojnë suksese të lakmueshme me ekipet e tyre. Këtë fundjavë ky klub ka shënuar bilanc të qindpërqindtë të fitoreve: dje me kadetet U-16 ndaj Pejës 03, me njomakët U-12 në Pejë kundër ekipit Peja DT, si dhe sot në Prizren me vajzat U-14 kundër Pro Gjakovës.
U-16: Junior 06 Moni Bau – Peja 03 55:50
Basketbollistet e KB Junior 06 Moni Bau e kanë mposhtur skuadrën
Peja 03 në ndeshjen derbi të javës së pestë, duke e mundur me rezultat 55:50. Kreatoret e fitores së ekipit prizrenas qenë treshja: Yllka Morina, Era Ali dhe Nazmije Çukiqi që realizuan nga 15 pikë. Njëherësh basketbollistet e KB Junior 06 Moni Bau ia shkaktuan humbjen e parë sezonale basketbollisteve pejane, ndërkohë vashat prizrenase regjistruan fitoren e tretë në këtë edicion.
U-12: Peja DT – Junior 06 24:54
Sukses të mirë dhe fitore të pandërprera po shënon edhe ekipi i grupmoshave U-12 në konkurrencën e meshkujve. KB Junior 06 në Pejë e ka mundur skuadrën vendëse me shifrat 54:24.
U-14: Junior 06 Moni Bau – Pro Gjakova 104:18
Basketbollistet e grupmoshës U-14 të ekipit Junior 06 Moni Bau nuk dinë për humbje. Ato sot regjistruan edhe fitoren e pestë rresht, duke deklasuar skuadrën Pro Gjakova me rezultat 104:18. Në një takim që u mbizotërua plotësisht, vajzat prizrenase shënuan 104 pikë, përballë 18 pikëve të cilat mezi i arritën udhëtueset nga Gjakova. Në këtë përballje u veçua dyshja:
Bora Mullaabazi dhe Albulena Dakaj që, krahas shumë asistimve dhe kërcimeve, realizuan edhe nga 22 pikë. Mirëpo, në këtë ballafaqim trajneri Rushiti u dha rast të dëshmohen të gjitha lojtaret dhe pothuaj të gjitha edhe shënuan pikë.
Ndërkaq, tek gjakovaret u dallua Xhesika Berisha me 8 pikë të shënuara. Kjo skuadër me pesë fitore radhazi ka grumbulluar 10 pikë, kryeson renditjen tabelore dhe po dëshmohet shumë superiore përballë sukadrave të tjera.