Shtatë fitore radhazi

Basketboll

Shtatë fitore radhazi

Më: 24 nëntor 2022 Në ora: 15:55
Shtatë fitore radhazi

NBA ka luajtur katër takimet e radhës të sezonit të rregullt në orët e para të mëngjesit të djeshëm. Spikat ecuria fantastike e Sakramentos, që ka regjistruar fitoren e shtatë radhazi.

“Kings” këtë herë triumfuan në transfertë ndaj Memfis me rezultatin 109-113, sukses që i afron edhe më shumë me kreun në Lindje. Fox me 32 pikë, 8 ribaunde dhe 6 asiste ishte më i miri për Sakramenton në këtë takim.

Ndërsa për “Grizzlies” nuk mjaftoi Morant, autor i 34 pikëve. Feniks ka marrë një sukses në shifrat 115-105 kundër Lejkërs, duke u ngjitur në krye të renditjes në Perëndim. Kjo ishte fitorja e tretë në katër ndeshjet e fundit për “Suns”, takim ku vendësit u udhëhoqën nga Booker dhe Bridges, me nga 25 pikë secili.

Për Lejkërs nuk mjaftoi paraqitja e jashtëzakonshme e Davis, autor i 37 pikëve dhe 21 ribaundeve. Në ndeshjet e tjera, Filadelfia triumfoi ndaj Bruklin 115-106, ndërsa Detroit mposhti në transfertë Denverin 108-110.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat