Boston nuk lëshon kreun e renditjes provizore në NBA, duke fituar sot 122-104 ndaj Atlanta. Tatum me 30 pikë e Brown me 25 bënë diferencën në fushë për Celtics. Zhgënjen sërish ekipi i Brooklyn, që u mund 128-117 nga Indiana, duke rrezikuar zonën play off. Durant realizoi 36 pikë, por që s’mjaftuan, ndërsa për Indiana të gjithë titullarët realizuan mbi 10 pikë (4 lojtarë mbi 20 pikë).
Rikthehet te fitorja skuadra e Lakers, që mundi 105-94 San Antonio jashtë fushe. Davis me 25 pikë e 21 rebound e James me 21 pikë ishin më të mirët në fushë për Lakers. Fitojnë edhe kampionët e Golden State, që falë 33 pikëve të Stpehen Curry mundën 129-118 rivalët e Utah Jazz.
Antetokounmpo ishte protagonist në fitoren 117-102 që ekipi i Milwaukee arriti ndaj Cleveland, duke realizuar 38 pikë. Në krye të renditjes në Perëndim qëndron Phoenix, që mundi 108-102 Detroit (Ayton 28 pikë e 21 rebound), ndërsa Denver mposhti 114-104 Clippers, në një ndeshje ku u dallua Gordon me 29 pikë.
NBA – Rezultatet e sotme
Charlotte – Minnesota, 110-108
Orlando – Philadelphia, 99-107
New York – Portland, 129-132
Boston – Sacramento, 122-104
Houston – Atlanta, 128-122
Indiana – Brooklyn, 128-117
Memphis – New Orleans, 132-111
Miami – Washington, 110-107
Milwaukee – Cleveland, 117-102
Oklahoma – Chicago, 123-119
San Antonio – Lakers, 94-105
Phoenix – Detroit, 108-102
Golden State – Utah Jazz, 129-118
Clippers – Denver, 104-114