Fitorja e parë për Prishtinën në Ligën Unike

Basketboll

Fitorja e parë për Prishtinën në Ligën Unike

Më: 30 nëntor 2022 Në ora: 16:18
Fitorja e parë për Prishtinën në Ligën Unike

Kampionia e Ligës Unike te femrat, Prishtina shënoi fitoren e parë në këtë edicion, duke mundur rivalin, Bashkimin 59:68 (13:15, 19:23, 19:17, 8:13), në xhiron e dytë, ndërsa për prizrenaset ishte humbja e dytë nga dy ndeshje.

Ndeshjen më mirë e nisën vendasit, duke qenë në epërsi 13:4, por një seri e jashtëzakonshme prej 0:11 e prishtinaseve bëri që çereku i parë të përfundojë 13:15.

Periudha e dytë ishte e baraspeshuar, ku asnjëra skuadër nuk arrinte shkëputjen e madhe dhe herë njëra e herë tjetra kalonte në epërsi, ndërsa në fund të kësaj pjese kryeqytetaset ishin më të mira për të shkuar në pushim me rezultat 32:38.

Epërsia e mysafireve rritej në shtatë e tetë pikë, por prizrenaset nuk dorëzohen duke afruar shifrat në 51:52, ndërsa shifrat në semafor pas 30 minutash ishin 51:55. Në dhjetë minutat e fundit, Prishtina menaxhoi epërsinë dhe luajti më mirë, duke triumfuar në fund 59:68.

Te Bashkimi më e mira ishte Aulona Muhadri me 19 pikë e 16 kërcime, ndërsa te Prishtina u dalluan Sarab Mgbeike me 20 pikë e 12 kërcime dhe Zërina Shatri me 14 pikë e 11 kërcime.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat