Partizani fiton në derbin kryeqytetas

Basketboll

Partizani fiton në derbin kryeqytetas

Më: 1 dhjetor 2022 Në ora: 22:14
Partizani fiton në derbin kryeqytetas

Partizani ka fituar derbin kryeqytetas, duke mundur Tiranën 68:64 (21:18, 12:21, 22:10, 13:15), në xhiron e dytë të Ligës Unike për femrat. Për Partizanin ishte fitorja e dytë në dy ndeshje, kurse Tirana pësoi humbjen e parë.

Cereku i parë ishte shumë interesant ku herë njëra skuadër e herë tjetra kalonte në epërsi, ndërsa përfundon 21:18.

Por, në periudhën e dytë vashat e Tiranës ishin shumë më të mira, duke e fituar këtë pjesë 12:21, ndërsa shkuan në pushim me rezultat 33:39.

Skuadra e Partizanit rikthehet fuqishëm në periodën e tretë, ku shkrinë epërsinë e kundërshtareve dhe e kthen në favor të tij, ndërsa shifrat pas 30 minutash ishin 55:49. Megjithatë, dhjetë minutat e fundit ishin interesant, ku në fund rezultati ishte 65:64, por një tre pikësh nga Bannister vendosi fituesin 68:64.

Te Partizani u dallua Ornela Lalaj me 16 pikë e 22 kërcime, kurse te Tirana më e mira ishte Aida Palko me 13 pikë e 17 kërcime.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat