Sigal Prishtina e mposht Rahovecin

Basketboll

Sigal Prishtina e mposht Rahovecin

Më: 5 dhjetor 2022 Në ora: 21:59
Sigal Prishtina e mposht Rahovecin

Sigal Prishtina ka shënuar fitore ndaj Rahovecit me rezultat 97:66 (25:13, 21:23, 22:16, 29:14), në xhiron e 13-të të Prince Caffe Superligës.

Prishtinasit kanë nëntë fitore e katër humbje, kurse rahovecasit dy fitore e 11 humbje.

Vendasit e nisën ndeshjen më mirë dhe nga fillimi ishin në epërsi, ndërsa çerekun e parë e fituan bindshëm 25:13. Në periudhën e dytë kryeqytetasit disa herë ishin në epërsi deri në 15 pikë, kurse mysafirët afronin shifrat, kurse skuadrat shkuan në pushim me rezultat 46:36.

Vreshtarët ngushtuan shifrat në 51:46, por më pas bardhekaltrit filluan shkëputjen, duke shkuar në 16 pikë, 68:52, sa ishin shifrat pas 30 minutash. Në dhjetë minutat e fundit epërsia vetëm sa thellohej dhe Sigal Prishtina fitoi 97:66.

Te Sigal Prishtina u dalluan Dustin Thomas me 20 pikë e shtatë kërcime, Dardan Berisha me 25 pikë dhe Brooks Debisschop me 16 pikë e dhjetë kërcime, kurse te Rahoveci më i miri ishte Isaiah Manderson me 19 pikë e dhjetë kërcime.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat