Është mbyllur java e 11-të e Superligës në basketboll për meshkuj.
Skuadra e Teutës ruan kreun e renditjes pas fitores 92-84 arritur ndaj Kamza Basket, ndeshje e luajtur në Durrës.
Ndeshje e dominuar nga durrsakët, që u shkëputën ndjeshëm në tri periodat e para dhe më pas administruan avantazhin.
Për Teutën, Sullivan me 30 pikë e 12 rebound ishte shënuesi më i mirë i ndeshjes.
Fitore të rëndësishme korri edhe Besëlidhja, që mundi 81-72 Tiranën, duke ndjekur ritmin e durrsakëve.
Ndonëse bardheblutë e nisën më mirë ndeshjen, lezhjanët rikuperuan, por fitorja u vendos në fundin e takimit.
Jordan mer 26 pikë e 13 rebound ishte shënuesi më i mirë për Besëlidhjen
. Në Shkodër, skuadra e Apolonisë fitoi 94-84 ndaj Vllaznisë, që gjithnjë e më shumë po shkon drejt rënies nga kategoria.
Falë këtij suksesi, fierakët synojnë play off-in.
Superliga-Meshkuj, java e 11-të
Teuta – Kamza Basket, 92-84
Vllaznia – Apolonia, 84-94
Besëlidhja – Tirana, 81-72
Renditja: Teuta 20 pikë, Besëlidhja 19 pikë, Kamza Basket 16 pikë, Tirana 16 pikë, Apolonia 16 pikë, Vllaznia 12 pikë.
