Skuadra kampione e Boston u mund 95-93 ndaj Orlando, duke pësuar humbjen e parë në fazën çerekfinale. Edhe pse Tatum realizoi 36 pikë ato s’mjaftuan për të fituar. Wagner me 32 pikë e Banchero me 29 bënë diferencën në fushë për Orlando.
Fitoren e parë në këto çerekfinale korri ekipi i Milwaukee, që mundi 117-101 Indiana. Antetokounmpo dhe Trent Jr. realizuan nga 37 pikë secili për ekipin e Bucks, ndërsa 28 pikët e Pascal Siakam për Indiana mbetën për statistikë.
Në Konferencën e Perëndimit, skuadra e Minnesota del sërish në avantazh pas fitores 116-104 ndaj Lakers. McDaniel me 30 pikë e Edwards me 29 u dalluan për vendasit, ndërsa 38 pikët e 10 rebound të LeBron James mbetën për statistikë.
Konferenca e Lindjes-Çerekfinale
(1) Cleveland – (10) Miami, (2-0)
(2) Boston – (7) Orlando, 93-95 (2-1)
(3) New York – (6) Detroit, (2-1)
(4) Indiana – (5) Milwaukee, 101-117 (2-1)
Konferenca e Perëndimit-Çerekfinale
(1) Oklahoma – (8) Memphis, (3-0)
(2) Houston – (7) Golden State, (1-1)
(3) Lakers – (6) Minnesota, 104-116 (1-2)
(4) Denver – (5) Clippers, (2-1)
