Bashkimi i Prizrenit ka shënuar fitore të madhe me rezultat 80:75 (24:16, 15:21, 19:14, 22:24) ndaj Anwil Wloclawek nga Polonia, në ndeshjen e parë të kualifikimeve për FIBA Europe Cup në basketboll.
Atmosferë e zjarrtë në palestrën e sportit në Prizren, të pranishëm ishin rreth 3 mijë shikues, panë ndeshje të mirë e me emocione deri në qindtat e fundit të sekondave.
Çereku i parë i takoi prizrenasve dhe avancuan me 8 pikë (24:16).
Në këtë çerek u shquan basketbollistët e Bashkimit, Cousins e Anderson, ku secili realizoi nga 7 pikë.
Në minutën e 17-të rezultati ngushtohet në 34:30.
20 minutat e parë u mbyllën me dy pikë epërsi (39:37) për Bashkimin.
Në minutën e 25-të Bashkimi e rriti epërsinë në 8 pikë (48:40).
Në minutën e 28-të prizrenasit pas një lojë brilante avancojnë me 13 pikë (55:42).
Kjo epërsi ngushtohet në minutën e 30-të, rezultati 58:51.
Pas një minute diferenca ngushtohet në pesë pikë (58:53).
Në minutën e 36-të rezultati 67:66 në favor të Bashkimit.
Në minutën e 38-të ekipi polak kaloi në epërsi me një pikë (70:71).
Basketbollisti Isaiah Cousins është më efikasi të Bashkimi, me 21 pikë të shënuara, i ndihmuar nga Jeremiah Bailey me 16 dhe të ekipi polak u dallua Isaiah Mucius me 18 pikë.
Ekipi prizrenas përmbysi rezultatin e ngadhënjeu me rezultat 80:75 ndaj ekipit nga Polonia.
Ndeshja e kthimit zhvillohet në Wloclawek të Polonisë më 1 tetor.
