Lideri i Kampionati të Kosovës në basketboll, Bashkimi i Prizrenit, përgatitet për derbin e drithërues të fundjavës.
Prizrenasit do të presin rivalin e vjetër, Go+Pejën.
“Të shtunën, skuadra jonë përballet me KB Pejën në ‘Sezai Surroi’ në një tjetër super ndeshje që pritet të jetë shumë e fortë!
Ky është momenti ku çdo prizrenali duhet të jetë pranë ekipit tonë, të mbushim palestrën dhe të krijojmë atmosferën që vetëm Prizreni di ta bëjë!
Arsye për mungesë nuk ka — hajde edhe ti, ta mbështesim ekipin tonë dhe ta çojmë drejt një tjetër fitore!”, thuhet në njoftimin e klubit Bashkimi.
KB Bashkimi kryeson me 10 pikë apo ka 5 fitore rresht sa ka edhe Peja në pozitën e dytë.
