Flamurtari ka shënuar fitore ndaj Prishtinës me rezultat 72:55 (22:14, 20:4, 14:13, 16:24), në një ndeshje ku kontrolloi ritmin pothuajse gjatë gjithë takimit.
Pas një fillimi të balancuar, Flamurtari e mori plotësisht lojën në dorë në çerekun e dytë, ku me mbrojtje agresive dhe realizim të saktë nga distanca krijoi epërsi të madhe, duke shkuar në pushim me diferencë të konsiderueshme.
Epërsia u thellua edhe më shumë në çerekun e tretë, ku vendaset arritën avantazhin maksimal prej 29 pikësh, duke e bërë të qartë rrjedhën e ndeshjes.
N. Kilbreath ishte më efikasja te Flamurtari me 23 pikë, ndërsa A. Brisker kontribuoi me 19 pikë. Një paraqitje shumë të mirë pati edhe D. Harvey, e cila regjistroi 12 pikë, 14 kërcime dhe 9 asistime.
Te Prishtina, më e dalluara ishte Agnesa Rrahmani me 19 pikë, ndërsa Besjana Martinaj shtoi 18 pikë dhe 7 asistime.
