Klubi i basketbollit Trepça e Mitrovicës udhëton drejt Prishtinës, me synim që të kualifikohet në finalen e madhe të Kupës së Kosovës.
Mitrovicasit kanë epërsinë në rezultat 87:64 e në cilësi ndaj rivalit nga Prishtina.
“Ndeshja e dytë gjysmëfinale e Kupës së Kosovës.
Pas fitores në ndeshjen e parë, nesër luajmë sfidën e dytë gjysmëfinale të Kupës së Kosovës, ku do të përballemi me ekipin e Bora Basketball.
Udhëtojmë drejt Prishtinës me synimin për ta siguruar kualifikimin në finalen e madhe.
Ndeshja zhvillohet në palestrën “1 Tetori” – Prishtinë, me fillim nga ora 17:00”, njofton KB Trepça.
