Në prag të finales së Kupës së Kosovës në basketboll që zhvillohet sonte nga ora 19:30, kryetari i Federatës së Basketbollit të Kosovës, Arben Fetahu, i ka dërguar mesazh të veçantë skuadrave pjesëmarrëse, KB Trepçës dhe KB Bashkimit.
Fetahu ka përgëzuar të dyja ekipet për arritjen e tyre në këtë fazë kulmore të garës, duke theksuar se kjo është rezultat i punës së strukturuar, disiplinës, profesionalizmit dhe standardeve konkurruese që kanë demonstruar gjatë këtij sezoni.
Ai ka vlerësuar se finalet nuk përcaktojnë vetëm fituesin e trofeut, por edhe karakterin sportiv, integritetin dhe kulturën konkurruese të ekipeve. Fetahu shprehu bindjen se ndeshja do të zhvillohet në nivelin më të lartë të cilësisë sportive, respektit reciprok dhe fair-play-it, duke ofruar një spektakël dinjitoz për të gjithë sportdashësit.
“Le të jetë kjo finale një festë e sportit, një manifestim i meritës sportive dhe një moment krenarie për basketbollin e Kosovës,” tha Fetahu, duke uruar të dyja skuadrat për paraqitje që reflektojnë profesionalizëm, respekt dhe konkurrencë të ndershme”, ka thënë Fetahu.