Legjenda e Real Madridit dhe ish – basketbollisti i kombëtares spanjolle, Vicente Paniagua, ka ndërruar jetë në moshën 78-vjeçare.
Paniagua ishte një nga basketbollistët më të suksesshëm në historinë e klubit mbretëror.
Ai e veshi fanellën e Real Madridit për njëmbëdhjetë vjet (1966-77) dhe fitoi 21 trofe, përfshirë tre tituj kampionë evropianë.
Ai ishte kampion i Spanjës 10 herë, fitoi shtatë trofe kupash kombëtare dhe një Kupë Ndërkontinentale.
Ai bëri gjithsej tetë paraqitje për kombëtaren spanjolle - pesë në Lojërat Mesdhetare në Tunizi në vitin 1967 dhe tre në një turne miqësor para Eurobasket në Spanjë në vitin 1973.
Real Madrid lëshoi një deklaratë për vdekjen e Paniagua, duke deklaruar se me trishtim i dhanë lamtumirën basketbollistit legjendar.
"Real Madridi, Presidenti dhe Bordi i Drejtorëve shprehin ngushëllimet e tyre më të thella për vdekjen e Vicente Paniagua, një nga legjendat e mëdha të Real Madridit dhe basketbollit evropian.
Real Madridi shpreh ngushëllimet dhe mbështetjen e tij për familjen e tij, shokët e ekipit dhe të gjithë të dashurit e tij. Vicente Paniagua veshi fanellën e Real Madridit për 11 sezone, nga viti 1966 deri në vitin 1977.
Gjatë asaj periudhe, ai fitoi gjithsej 21 trofe: 3 Kupa Evropiane, 1 Kupë Bote për Klube, 10 tituj të Ligës Spanjolle dhe 7 Kupa Spanjolle. Ai ishte gjithashtu anëtar i ekipit kombëtar spanjoll".