New York Knicks e nisën me fitore serinë finale të plejofit në NBA, duke mposhtur në udhëtim San Antonio Spurs me rezultat 105:95 dhe duke marrë epërsinë në seri.
Megjithatë, ndeshja u karakterizua nga një incident i pazakontë që ndodhi gjashtë minuta e gjysmë para përfundimit të takimit.
Teksa Spursat ishin në sulm, një tifoz hyri papritur në parket dhe u drejtua kah ylli i skuadrës, Victor Wembanyama.
Ai nxori telefonin mobil me qëllim që të bënte një fotografi me basketbollistin francez, por sigurimi ndërhyri menjëherë dhe e largoi nga fusha.
Wembanyama e priti me buzëqeshje afrimin e tifozit, madje pozoi shkurtimisht për fotografi, ndërsa Mitchell Robinson e shikonte i habitur të gjithë situatën.
Në shtetin e Teksasit, hyrja e paautorizuar në parket konsiderohet shkelje serioze dhe mund të pasohet me arrestim, gjobë të lartë financiare si dhe ndalim afatgjatë të hyrjes në ngjarje sportive.
