Kris Jenner po përqafon një kapitull të ri me vetëbesim dhe stil. Në moshën 69-vjeçare, menaxherja ikonë e familjes Kardashian ka zbuluar se ka bërë një ngritje fytyre (facelift) për herë të dytë, përpara ditëlindjes së saj të 70-të këtë nëntor—pas asaj që kishte bërë 15 vite më parë.
Në një intervistë për Vogue Arabia, Kris tha: “E bëra këtë ndërhyrje sepse dua të jem versioni më i mirë i vetes, dhe kjo më bën të lumtur.” Ajo theksoi se plakja nuk do të thotë të heqësh dorë nga vetja. “Nëse ndihesh mirë në lëkurën tënde dhe nuk do të bësh asgjë, është në rregull. Por për mua, kjo është mënyra ime për të u plakur me hijeshi.”
Kris vendosi të jetë e hapur me ndjekësit për ndryshimet e saj, në mënyrë që të motivojë edhe të tjerët. “Mendoj se ndarja e këtyre përvojave mund të jetë shumë ndihmuese për ata që nuk ndihen mirë me veten,” tha ajo. Madje, kujtoi edhe se ndërhyrjen në ije e kishte filmuar për të njëjtën arsye.
Gjatë gjithë procesit, ajo pati përkrahjen e plotë të vajzave të saj, Kylie dhe Kim. “Kylie erdhi me mua, ndërsa Kim ishte gjithmonë e pranishme në FaceTime,” tregoi Kris.
Pamja e re dhe qëndrimi pozitiv i Kris Jenner tregojnë se mosha është vetëm një numër—ajo çfarë ka rëndësi është si ndihesh me veten.