Pas Budapestit, edhe Praga do të ketë një shesh me emrin “Skënderbej”

Diaspora

Pas Budapestit, edhe Praga do të ketë një shesh me emrin “Skënderbej”

Më: 20 tetor 2021 Në ora: 12:40
Shtatorja e heroit kombëtar, Gjergj kastriot Skenderbeu

Tashmë edhe në Pragë do të ketë një shesh me emrin “Skënderbej”.

Pas Budapestit, kryetari i Bashkisë së Tiranës, Erion Veliaj ka vizituar edhe Pragën, pas vendimit më të fundit të Këshillit Bashkiak të këtij qyteti për t’i dhënë një prej shesheve kryesore emrin e heroit kombëtar, Gjergj Kastriot Skënderbeut.

Lajmin e ka bërë të ditur vetë kryebashkiaku Veliaj, pas takimit me kryetarin e Bashkisë së Pragës, Zdenek Hrib.

“Është gjithmonë kënaqësi takimi me kryetarin e Pragës, mikun tim Zdenek Hrib. Si shumë kryeqytete të botës edhe Praga do të ketë një shesh me emrin “Skënderbej”, në nderim të heroit tonë kombëtar! Mirënjohje Zdenek dhe Këshillit Bashkiak të Pragës për nismën”, ka shkruar Veliaj në rrjetet sociale.

Tre muaj më parë kryetari i Bashkisë së Tiranës, Erion Veliaj përuroi në Budapest së bashku me homologun e tij, Gergely Karácsony, bustin e heroit, Gjergj Kastriot Skënderbeu në Parkun Qendror të kryeqytetit hungarez, shkruan tvklan. Busti, dhuratë nga Bashkia e Tiranës për qytetin e Budapestit, u vendos përballë memorialit të bashkëkohësit të tij, heroit të Hungarisë, Janosh Huniadi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat