Ngacmoi seksualisht djalin e mitur në Itali, e pëson keq shqiptari

Diaspora

Ngacmoi seksualisht djalin e mitur në Itali, e pëson keq shqiptari

Më: 12 maj 2022 Në ora: 20:27
Policia

Një emigrant shqiptar në Itali është dënuar me 1 vit burg, pasi ka ngacmuar seksualisht një 12-vjeçar në një supermarket.

Mediat italiane bëjnë me dije se 30-vjeçari shqiptar ishte lënë në arrest shtëpie që prej 5 gushtit të vitit 2021, kur u arrestua pas akuzave të ngritura nga prindërit e një djali 12 vjeçar.

Sipas dëshmisë, burri kishte ngacmuar djalin në një supermarket në Peruxhia, ku ai kishte shkuar për të blerë disa gjëra.

Fillimisht burri thjesht e kishte ndjekur nëpër raftet e supermarketit dhe e kishte përkëdhelur në faqe, por më pas, kur i mituri ishte nisur për në shtëpi me biçikletën e tij, 30-vjeçari shqiptar e kishte sulmuar.

Për shkak të shkathtësisë së tij djali kishte arritur t’ia mbathte, ndërsa prindërit bënë menjëherë denoncim, duke çuar shqiptarin në pranga.

Mësohet se ai jetonte në Itali me dy fëmijë të mitur dhe kunatin e tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat