Didier Deschamps nuk e ka ftuar Karim Benzeman që kur shpërtheu çështja Valbuena. Kanë kaluar pesë vjet që kur sulmuesi u largua nga lista, duke pritur një zgjidhje gjyqësore që vazhdon ende të mos vijë
Gjatë gjithë këtyre viteve, Deschamps kurrë nuk ka dhënë një justifikim pse ai kurrë nuk e ka thirrur sulmuesin e Real Madridit përsëri.
Sidoqoftë, në një intervistë për radion “RTL”, trajneri pranon që intervista e Benzemas për “Marca”, në të cilën lojtari argumentoi se trajneri ishte ndikuar nga një pjesë raciste e Francës për të mos e ftuar atë, është ende shumë e pranishme në kokën e tij, përcjell KosovaPress.
"Është një ngulitje. Edhe nëse me kalimin e kohës harrohet pak, nuk mund ta harroj. Nuk lidhet vetëm me Karim Benzeman. Ka edhe deklarata nga njerëz të tjerë që çuan në këtë akt të dhunshëm që prek familjen time. Kur vjen tek unë zgjedhja e trajnerit, taktikat, aspekti teknik, është diçka normale dhe nuk ka rëndësi. Por këtu kalohet një vijë. Ndikon në emrin tim, familjen time.”, u shpreh Deschamps
“Për mua, kjo është e papranueshme. Disa gjëra domosdoshmërisht çojnë në një agresion verbal ose fizik. Unë i vuaj pasojat. Ne nuk mund të harrojmë. Unë nuk mund ta harroj. Unë kurrë nuk do ta harroj atë, " thotë ai.
