Barcelona është zyrtarisht kampion i Spanjës për edicionin 2025-2026.
Skuadra katalanase triumfoi para tifozëve të vet me rezultat 2:0 ndaj Real Madridit, në derbin më të madh të futbollit botëror.
Dy rivalët e përbetuar zhvilluan një përballje të jashtëzakonshme, me ritëm të lartë dhe duele të forta deri në fishkëllimën e fundit.
Barcelona
Barcelona tregoi lojë të madhe edhe pse mungoi Lamine Yamal, i lënduar, mungesë që pothuajse nuk u vërejt në lojën e ekipit.
Para fillimit të ndeshjes u mbajt një minutë heshtje në nderim të babait të trajnerit Hansi Flick, i cili ndërroi jetë sot.
Në minutën e 9-të, Marcus Rashford realizoi një supergol nga goditja e lirë prej rreth 17 metrash, duke e dërguar topin në këndin e sipërm të djathtë të portës.
Vetëm nëntë minuta më pas, Dani Olmo asistoi me mjeshtëri për Ferran Torres, i cili vulosi fitoren 2:0.
Barcelona shpërtheu në festë duke kremtuar titullin e 29-të kampion në histori. Reali u largua kokulur nga fusha, ndërsa katalanasit kryesojnë tabelën me 91 pikë, kundrejt 77 të madrilenëve në vendin e dytë.
