Plagëzat në gojë. Kur duhet të shkoni te mjeku - Bota Sot
Plagëzat në gojë. Kur duhet të shkoni te mjeku

Këshilla mjekësore

Plagëzat në gojë. Kur duhet të shkoni te mjeku

Më: 21 prill 2020 Në ora: 14:52
Foto Ilustrim

Plagëzat në mukozën e gavrës së gojës quhen afta. Më së shpeshti shfaqen nga ana e brendshme e buzëve dhe faqeve, por mund të shfaqen edhe në skaje të gjuhës apo në pjesën e rrënjës së gjuhës

Dhembin shumë, posaçërisht nëse konsumohet ushqim i nxehtë, i thartë apo me erëza.

Shkaktarët e shfaqjes janë të ndryshëm, ndërsa në disa raste shkaktari nuk mund të zbulohet.

Aftat mund të shfaqen tek secili prej nesh, por gratë kanë më shumë gjasa për t‘u prekur prej tyre.

Ndër shkaktarët e njohur të hapjes së plagëzave në gojë janë stresi emocional; mungesa e disa vitaminave dhe mineraleve në ushqim ( veçanërisht mungesa e hekurit, acidit folik dhe vitaminës B12); cikli menstrual; ndryshimet hormonale; alergjia ndaj ndonjë produkti ushqimor; përdorimi i protezave jo të adaptuara mirë; proceset virale.

Për t’u penguar shfaqja e aftave mund të ndihmojnë preparatet multivitamine.

Nëse ato shfaqen si pasojë e lëndimeve me aparatin fiks apo me protezë, është i domosdoshëm të shkoni për kontroll te stomatologu.

Në rastin që megjithatë shërimit mund t’i ndihmojë edhe shpëlarja e gojës me tretje të sodës së bikarbonatit apo me çaj sherbele, në barnatore mund të blihen xhele për sanimin e dhembjeve dhe për shërimin e shpejtë.

Aftat nuk kërkojnë ndonjë trajtim të veçantë. Shumica e aftave shërohen për 7 deri në 15 ditë. Në rast se aftat janë të mëdha, atëherë shërimi i tyre mund të zgjasë pak më tepër.

Nëse nuk ka shërim dhe plaga është e hapur edhe pas tri javësh, apo fare nuk dhemb, është e nevojshme ndihma e mjekut.

Shfaq komentet
comments powered by Disqus
Sot mund të lexoni Shfletoni kopertinat