Si të jetoj me të njëjtën fytyrë ose me të luftëtarit të lirisë

Kultura

Si të jetoj me të njëjtën fytyrë ose me të luftëtarit të lirisë

Nga: Agim Desku Më: 27 nëntor 2021 Në ora: 20:03
Agim Desku

Kam mbetur me të njëjtën fytyrë të jetoj

Nëse më burrëron veç fytyra e lirisë

Nëtëve të ferrit t'i mbes peng fjalës

Pse plagët e betejave ende s'gjejnë shërim

 

Për të bukurën ç'u zura me detin

Pranova të hy nën thellësitë e Titanikut

Më ia nxjerrë faculetën e çlirmtares

Edhe më e takue fundin e fjalës së bukur

 

Sonte fytyrat dua t'i ngjajnë fytyrës se hënës

Yjet e dinë në cilin trëndafil do të bëhen aromë

Me cilët sy piktorët pikturojnë Mona Lizën

Si t'i rikthehet atdheut vargu i Gjergj Fishtes

 

Sonte dua të jem sy e vesh Titaniku

Ta kërkoj fytyrën e dashurisë së Lasgushit

Së bashku t'i shërojmë plagët e Serembes

Njeri nga ne të rikthehemi në Promethe të fjalës.

 

KAH PO SHKOJMË SHQIPE

Sot ç'më bëhet se kam dyluftim me jetën

Nuk di nëse duhet të jetoj si rebel a engjëll

Urrejtjen ia morëm djallit që ta urrejmë veten

Si një çast në jetë s'bëmë dialog me vetëvetën

 

Ndoshta duhet më ju rrëfye zotit të diellit

Fisi im sikur nuk ka takue kurrë zotin e vet

Apo pse jeta e jonë ishte vetë ferri i botës

Dhe zotnat harruan se diku ngjajmë në njerëz

 

Edhe në ëndrra na vrasin demonët e fundit

Ç'faj kanë lulet që duan të çelin marsit kryeneq

Pranvera ketë vit vonohet apo s'do të vjen fare

Lirinë e dashurinë e falëm për jetë të çlirimtarëve

 

Mjaft me plumbat e huaj se ma prishen vargun

E dini sa na mungon Formula e Pagëzimit

Im zot kryqëzom në emrin e kryetrimit tim

Më ju kryqëzue e betue shpatës se Gjergjit

 

Kurrë nuk është vonë më e dashtë vetëvetën

Gjërat e huja edhe nëse janë të praruara me ar

Fundin e kanë plot urrejtje të djallit

Kjo tokë nuk vret nëse e mbajmë mu në zemër.

 

NË NJË MOMENT

Në një moment më vjen të bërtas

Pse kohën time kurrë s'e takova të drejtë

Jetës i kêrkova të jetoj në kohë të gurit

Ndoshta më kishte bërë pakêz burrë

 

Jam vonue sot më të lexue poezi

Pasha tokë e qiell që janë mbi mue

Emrin tënd po e fshehi nëpër damarê gjaku

Ti ruaje në gji të zanave për hatrin tim

 

Në një moment kam më u ba dragua

Kam më luftue si luftonin burrat dikur

Fjalët diku i lash peng për ty

Veç ëndrrave ju besoj të m'i sjellin kujtimet

 

Mëngjesin çdo ditë po ma vonon dielli

Ndoshta pse jetojmë në stinën e vjeshtës

Kur stuhitë çdo çast na i verbojnë sytë

Në luftëtar të dashurive të pafat mbetëm..

 

25 nëntor 2021 AGIM DESKU

ZJARR

M'i djege dhembjet

ende të pa thara

 

Peshë u çuen

stuhitë e vjeshtës

 

Diellit nuk i lanë vend më dalë

Ditën e Alfabetit nuk e dështëm kështu.

 

24 Nëntor 2021 AGIM DESKU

LEGJENDË E VARGUT MË MBETE ROZAFË

Kanë frikë ta hapin Kutinë e Pandorës

Perandorët janë zënë me njeri-tjetrin

Tokës i vie keq pse demonët shkelin mbi të

Rozafë më mbete legjendë e vargut të shenjtë

 

Me njëmijë e njëqind kalorës kalërova Shkodrën

Lufta për Itakën time s'di ku e ka fillimin a fundin

Më paralajmërojnë se do ketë stuhi në univers

Engjëjt i kam dëshmitarë për bukurinë e Rozafës

 

Për fisin tim pellazg më flet çdo ditë Homeri

Fatin tim ma urryen secili perandor që erdhi këtu

Porta e legjendave u hap veç për Rozafë e Ajkunë

Ditës se diellit ia fala dashurinë e syve të mi

 

Nuk kam lanë gur pa rrotullue për më gjetë lule

Më ia fal secilit luftëtar që më nxorën nga ferri

S'kam ma fuqi më e shërue kufirin e dhembjes

Dua të ngriti dolli në një sofër që na bashkon.

20 Nëntor 2021 AGIM DESKU

 

E VËRTETA E FJALËS

E pyeta fjalën për të vërtetën e saj

Më tha lexoje thënien e popullit tënd

Mbi plagët e tij u krijuen fjalët e arta

Se ujë fle e armiku kurrë nuk fle

 

Për t'ia ditur të vërtetën fjalës

Duhet me qenë varg i bukur i saj

I shndërruar në art të së bukurës

Njeri nga ne më u ba det kujtimesh

 

Edhe njeriut për t'ia kërkue të vërtetën

Duhet me e shikue se si i rrotullohen sytë

Atëherë fytyra e tij të flet me zë demoni

Engjëjt s'kanë kohë të rrinë me të pavërtetën.

18 Nëntor 2021 AGIM DESKU

 

PËR FYTYRËN DHE FJALËN

Sot më duhet ta kryej obligimin qytetar

Të votoj për fytyrat e shenjta të fjalës

Kur ende edhe pas njëzet vite lufte

Në thellësi të shpirtit tim i kanë sytë

 

Votoj për nënat që presin kur ju hapet dera

Të rikthehen bijtë nga betejat çlirimtare

T'ia puthin plagët për Shqipërinë e lirë

Njëherë të na pushojnë dhembjet e atdheut

 

Sot do të ngriti gotën për ty luftëtar

Për flamurin e ngritur në Koshare

Dhe për gurin e thyer të ndarjes e mallkimit

Votoj sot o kurrë për fjalë e besë të bashkimit.

14 nëntor 2021 AGIM DRSKU

 

KËTË HERË

-Nê ditëlindjen e ikonês Halit Berani

 

Këtë herë Evropë

Kemi mbetur të dehur

Njeri nga ne

Nga gota ime e lirisë

Më s'kam fuqi

Ta ndaloj rebelimin tim

Këtë herë e mati lirinë

Me nëntë plagët e Gjerj Elez Alisë

Dhe me ferrin e Dantes

Për pesë shekuj jetë perandorësh.

12 nëntor 2021 AGIM DESKU

 

I NJËJTA FYTYRË

Kam mbetur me të njëjtin emêr

Nëse më burrëron fytyra e lirisë

Nëtëve të ferrit i mbeta peng fjalës

Plagët e betejave ende s'gjejnë shërim

 

Për tokën ç'u zura me detin

Pranova të hy nën thellësit e Titanikut

Më ia nxjerrë faculetën e çlirmtares

 

Edhe më e takue fundin e fjalës së bukur

Sonte fytyra dua t'i ngjajë buzëqeshjes se hënës

Yjet e dinë në cilin trëndafil do të bëhen aromë

Me cilët sy piktorët pikturojnë Mona Lizën

Si t'i rikthehet atdheut vargu i Gjergj Fishtes

 

Sonte dua të iku poshtë Titanikut

Ta kërkoj fytyrën e dashurisë së Lasgushit

Së bashku t'i shërojmë plagët e Serembes

Njeri nga ne të rikthehemi në Promethe.

13 nëntor 2021 AGIM DESKU

 

PËR TË MOLLA E KUQE

Nuk udhëtoj ma si dikur rrugës Via Egnatia

Sot eci ma shpejt ta zë Ajkunën tek Molla e Kuqe

Tek sa bëhet nusja e lirisë me dymijë dasmorë

Krushqit vijnë nga çdo anë për të vërë kurorë

 

Mbi secalin lapidar të luftëtarëve

 

KAH PO SHKOJMË/Shifra/Dhembjet e Gjergj Elez Alisë/

-Kur demonët ngritin gotën me perandorët

 

Me Danten jemi zënë tash e dymijë vjet

Pse m'i lenë të hapura portat e ferrit

Më e thye qafën sërish si në kohën e gurit

Kurrë pa ditur më ju gëzue fitoreve çlirimtare

 

Mbrëmjet janë çue peshë e s'shihet ma asnjë yll

Plagët ende më kullojnë dhembje të Gjergjit

Kurrë s'kanë më pêrfundue betejat me Bajlozët

Kur ngritim dolli me perandorë që urrejnë

 

Kjo tokë nuk fal e as nuk ka urrye asnjë djall

Herët a vonë dikush ka me u rikthye në ufo

Vdekjet kanë me qenë fundi i perandorive

Asnjeri ma s'do të kenë fytyra të njëjta njerëzish

 

Apokalipsat kanë ngritur gota demonësh

Metropolet janë zënē me narkomanët e vdekjes

Bota ka nis me u dehë në sytë e Evës

Dhe ti ke liri me shetitë kah vritën pëllumbat

 

Si nuk paska njeriu asnjë zot që fal uratë

T'i ngjajë orëve të para kur ia fal jetën lirisë

Ku na mbeti fjala e komandatit që na rreshtoj

Tani duhet më u rikthye në Promethe atdheu

 

Edhe unë kam lindur me shkronjën A të tij

Të drejtë kam të ngriti dolli veç në sofrën time

Me i bashkue copat e shqipeve të ndara

Jo më ngrit dolli me Open Ballkania.

[email protected]

Nentor 2021 AGIM DESKU

 

Nuk e kanë thënë kot:

"Fjalët e hallkut e vrimat e gardhit nuk ndalën kurrë".Kjo mençuri e traditës sonë na bën të ecim përpara,duke kujtuar edhe thënie të arta të popullit tonë:Qentë le të lehin,Karvani ecën".

Kjo me jep kurajo të eci drejt.

 

S'NDALOJ

Ec përpara dhe mos ndalo Agim

Majtas as djathtas veç ec drejt

Si qiriu i Naimit tretu për fjalën

Edhe atëherë kur ajo të çmendë

 

Mos vrit mendjen si do të bën koha

Nëse është stuhi apo acar janari

As mos të lodhin përrallat e dimrit

Jam i zënë për ta zë kohën e diellit

 

Nuk ndaloj ecjen edhe nëse bie shi e borë

Ì vëri të dyja këmbët mes përmes në zjarr

S'kam frikë se digjem sikur shkela në behar

Këtë e bëj për shpirt luftëtarësh që ranë për ne

 

Tani i kam borxh jetës t'i lutem të më fal një uratë

T'i lutem njeriut që ka dy fytyra të zgjedh njërën

T'i lënë përrallat të ecin se botën e kanë përpara

Të ecim traditës me besën që na veçon në botë

 

Duhet mendue kush i meriton heronjt e lirisë

Të Apokalipsit nuk i meriton Shqipëria ime

As unë që mezi dola i gjallë nga ferri i Dantes

Në Promethe u riktheva për tu bërë zjarr i fjalës.

Nëntori i flamurit 05.XI.2021 AGIM DESKU

 

DERI NË PIKËN E FUNDIT

-Sërish Fishtiane

-Do i pyes hyjnitë pse njeriu ka urrejtje për njeriun

 

Deri në pikën e fundit dua më u ba valë deti

Asnjë këngë e qyqes të mos këndoj sërish këndej

Dallgë bëhem veç njeri dy fytyrësh mos me pa

Të tillët s'na kanë lënë të ecim bashkë me botën

 

Nuk është vonë më thënë s'dojmë ma përralla

Si ato të pesë shekujve që na kanë lënë në ferr

Apo edhe fjalët e mbrama kur i themi për të parat

Për njeri-tjetrin flasim zi e ma zi si të ishte armik

 

Deri në pikën e fundit jemi mbushur mëkate

Djajtë ma s'janë djajë kur i sheh fytyrave të njeriut

Dhe njeri nga ne sërish u bë demon a perandor

Dikur të flisnin pas shpine e sot të dalin pêrballë

 

E vërteta që dhemb më nuk i ngjanë as përrallës

Më besoni më rjedhin lotët për të madhin Fishtë

Pse nuk e jetoj kohën time të ferrit a të lirisë

Më i pa se si ende jetojnë fytyra tradhëtarësh

 

Udhët u çelēn tani jeto me çmendurinë e djallit

Antartiku do të shkrihet thonë metereologët

S'kam kujt t'i them ma Atlandtida ime

Duhet më u mësue me dashuru verbërisht

 

Më jetue si në kohën e gurit pa ditë me urrejtë

Njëqind vjet më ecën rreth botës pa u ndalë

Mjafton më e gjetë fjalën që t'i shëron dhembjet

Mê jetu mes njerëzve me fytyrë njeriu a engjëlli.

04 nëntor 2021 AGIM DESKU

 

MË U MATË ME FJALËN

Më u matë me fjalën të duhet kohë e artë

Të kesh mendje të ndritur dhe plis të bardhë

Rrënjët të tregojnë e më shumë të flet tradita

Ndoshta unë i ngjajë fjalës së jam nga Mirëdita

 

Vështirë është më u matë me fjalën

Duhet më pasë fuqinë e mendjen e Gjergjit

Më u lidhë për tokën si mishi me thonin

Më u ba dhembje e atdheut deri në shërim të tij

 

Vetëm me dhembje të njëjta matësh me fjalën

Më të besue fjala se kurrë nuk e ke tradhëtue

Më e harrue dashurinë për lirinë e atdheut tënd

Më e gëzue emrin si i vetmi njeri i fjalës e besës.

01 nëntor 2021 AGIM DESKU

 

VIKTIMAT E FERRIT

Bota kot rrutullohet rretth vetes

Perandorët s'ka kush t'i denoj

Nuk janë të paktë pesë shekuj

 

Mos më i pa viktimat e ferrit

Në shekullin tim sërish hymë

Pa fytyrë e herë me të zezën e falur

Dëshmitar i ferrit unë viktima e radhës

 

Pse s'ndaloj për të jetuar si hero i gjallë

Askush s'ka guxim më u ba banor i ferrit

Mua më lanë të vetmin e të fundit të Evropës

Sikur ka humb fuqia e lirisë së njeriut të sotëm

 

Ka vite perënditë janë dehur e s'dinë ku jam

Ç'fat na lidhi me rrugën Via Egnatia

Bota e di e kujt është Troja dhe Homeri

Besoj një ditë do të hapet Kutia e Pandorës

E vërteta do të thuhet me njeriun apo pa të.

31 tetor 2021 AGIM DESKU

 

VICTIMS OF HELL

The ëorld in vain revolves around itself

There is no one to punish emperors

There are at least five centuries

Don't see the victims of hell anymore

In my century ëe entered again

Faceless and sometimes ëith forgiven black

Ëitness of hell I am the next victim

Ëhy do not I stop to live as a living hero

No one has the courage to become a resident of hell

They left me the only and last of Europe

As if the poëer of human freedom of today has been lost

For years the gods have been drunk and don't knoë ëhere I am

Ëhat fate connected us to the Via Egnatia road

The ëorld knoës ëhose Troy and Homer are

I believe one day the Pandora's Box ëill open

The truth ëill be told ëith man or ëithout him.

October 31, 2021 AGIM DESKU

Translator

Marjeta Shatro Rrapaj

 

SOT

E sotmja nuk mund të bëhet

e djeshmja

E djeshmja mund të bëhet

e sotmja

 

Nëse vdes emri im i lavdisë

Njëherë e dhamë fjalën

Më u shndërrue në Promethe

Sot ecim për të nesërmen

 

Pa e harrue të djeshmen e ferrit.

29 X.2021 AGIM DESKU

 

E VËRTETA

Të vêrtetën

T'ia thuash njeriut

Në sy

Është guxim

Është trimëri

Të jetohet

Në fshehtësinë e së vërtetës

Është sikur të jetohet

Në shoqërinë e dhelpëres

Andaj thonë latinët e vjetër

Njeriun e guximshëm

E do zoti dhe ka fat.

Tetor 2021 AGIM DESKU

 

DIALOG ME LISIN

Koha kur kam lindur

Ishte vapë që s`mbahej mend

 

Pas shumë vitësh nëna më tregoi

Bir të kam lindur pranë rrënjëve të lisit

Më tha desha t`i ngjanë atij

Më u rritë i drejt si lisi

 

Koha na bashkoj mes vete

Të bëj dialog me lisin

 

E pyeta përse çdo ditë t`i prejnë degët

Apo fisi im të ngjanë

 

Unë t`i kam ruajtur pesë shekuj rrënjët

Degët t`i kanë pre pa mua.

19 tetor 2021 AGIM DESKU

 

MES PËRMES ZJARREVE JASHARJANE

Sot hyra mes përmes zjarreve jasharjane

E di që do të digjem si Jan Palluhu për liri

Të ndezura rrinë plagët tua se kanë flakën e diellit

I kam pa me sy kah zbresin yjet një nga një

 

Aty është bac Ademi vetë i pesëdhjetë e gjashti yll

Dhe Evropën e kemi pasur këtu të dëshmitare

Pas pesë shekujve të ferrit sërish u bëmë peng i fjalës

Të lirisë që s'ta ndërroj as më ma të bukurën e detit

 

Fjalët e shenjta që i ruaja për ty baci Rifat

M'i moren zogjtë për të flutue së bashku

Prapë me e pague lirinë ma shtrenjtë se dje

Secilës shqipe e zanë mali me ju skuq fytyra

 

Edhe pas njëzet vitesh s'je i harruar nga hyjnitë

Askush s'do të duhej të harroj bacin Adem

Mallkimet kurrë nuk ishin fjalë për ty

Ndoshta për luftëtarë s'ka vend ma toka

 

Bac për pesë shekuj ishim robër të Evropës

Por i fitove miliona dashuri çdo cep të shqipeve

Eshe pse dashuritë e humbura do të rikthehen

Kur të ngritim dollinë në sofrën e bashkuar

 

Deri atëherë ti je heroi im i zjarreve të ndezuara

Liria pa bacin nuk është liri sot as nësër

Kështu ma thonë çlirimtaret që s'vdesin kurrë

Dhe dashuritë i ruajnë për pranverën e marsit kryeneq.

18 tetor 2021 AGIM DESKU

 

PAGËZIMI I DIELLIT /Shifra/ Simfonia 9 e Betovenit/

Mbrëmë e humba vargun e dhembjes

Mezi e nxjerra nga fundi i Titanikut

Të zitë e ullirit e hoqa deri e krijova

Mëkatar u bëra së bashku me djallin

 

Vetëm sytë e di në cilën fytyrë i ke

Në pikturën e Mona Lizës shndërritin

Dielli aty merr dritën për më i fitue betejat

Çlirimtaret t'i shohin udhët për tek heronjtë

 

Këngën nuk më lanë zogjtë me ta harru

Në dritare më sjellin simfoninë e Betovenit

Dhe unë tretëm diku në thellësinë e vargut

Ndoshta pi dhe dehem si një rebel i krisur

 

Mbrëmë shumë larg shkuam në dy botëra

Ashtu si toka e jonë e ndarë në copa copa

Sikur s'patëm dikë t'i themi na prijë im zot

Na duhet mendje për ta ringjallë Gjergjin

 

Nëse emri ynë do të ketë pagëzimin e diellit

Fajtor jam pse e deshta fjalën çmendurisht

Njëqind vjet dua më e dashtë Ajkunën

Kur të m'i zgjon ëndrrat e mia donzhuane

 

S'kam fuqi ma shumë më e rujtë fjalën

Besën ia kam dhënë tokës së shenjtë

Mos më e ndërrue me asnjërën hyjni

Mbrëmë mezi arrita ta shpëtoi vargun tim.

 

KORIFE DRITE

( Profesorit dhe mikut tim ,z.Nuri Dragoj)

Kur fjala bëhet lutje

Ajo shndërrohet në uratë Korifeu

Nuk di për largësitë e Ufove

 

Se i fal dritë dielli ëndrrave të lirisë

Se s'jetohet as me lotët brenda shpirtit

Edhe një shekull do të vjen

Askujt Korife më s`do t`i them

 

Drita e diellit s`ka vdekje

Sot e mijëra vite pas teje miku im

Më duhet për një gjysmë jete

T`i shkruaj letër letres së bardhë

 

Të m`i ruan kujtimet e gotës së bashkuar

Sa herë ju kemi lutur fjalës të rri e shenjtë

Asnjerit s`ja kemi falur mëkatet as edhe Evropës

Me Danten kurrë s`jemi pajtue me ferrin

 

E di që për fisin tim është krijue nëpër konferenca

Dhe sot për herë të fundit bëra lutje

Se ti miku im u shndërrove në Korife

Sytë e miqve sot janë kudo në pikturat e masakrave

Eh ende bota na mbanë peng në lirinë e falur.

15 tetor 2021 AGIM DESKU

 

LUFTA E DHEMBJES

Ç'plagë m'i bënë dhembjes edhe në liri

Sikur kur luftonim për jetë a vdekje

Edhe pas njëzet pranverave të krenarisë

Më duhet prapë të luftoj me njeriun demon

 

Fytyrat ju ngjajnë në perandorë vrasës

Këta puthadorë të të njëjtit shekull

Dhembjen ta shndërrojnë n'plagë të pa shërim

Dhe për mua s'kanë sy të me shohin cili jam

 

Nuk ju ngjajë në fytyrê njeriu sipas tyre

Lirinë e kanë prangosur përgjithmonë

Çdo ditë e kafshojnë me dhemb ujku

Më kanë lanë pa jetë edhe pa zotin tim

 

Si ta shëroj dhembjen kur ka plagën e jetës

Kur të vërtetën me njëqind plumba e kanë vra

Të keqën demonët e kanë ngritur në kala

Dhe jeto nëse të jetohet a plas dhe fluturo. 10 tetor 2021 AGIM DESKU

 

BORXHI I EVROPËS

-Fishtiane

Mëkatin e fjalës dhe të ndarjes

Në grimca atomi ma ke borxh Evropë

Shpatës së Gjergjit kur ta rujti nderin

 

Ia ke borxh fytyrën e ndritur

Borxhi yt është i madh

Ka mëkate shumë

Saqë nuk i zë asnjë lumë

 

Një det i tërë janë

T'ia nisim me radhë

Shqipërinë kur e ndave

Mendove se ne ishim një përrallë

 

Pesë shekuj isha Evropë

Të mbrova nder

Edhe pse na le në ferr

Ç'tu deshen kancelaritë

 

Londër e Bërlin

Pastaj krijove Ferrin e Dantes

Më i nënshtrue bijtë e zanave

Jo Evropë tradhëtinë kurrë s'ta bëra

 

Edhe kur isha fytas me çetnikë e sulltana

Ti nga bulevardet ngrite dollinë

Sikur asgjë s'bëhej me Shqipërinë

Eh Evropë koha është për perëndinë

Në sofrën e bashkuar sërish të rrimë.06 tetor 2021 AGIM DESKU

 

HI ZJARRI A HOMER I KRISUR

Nëpër shekujt e ferrit eca si nëpër zjarr

Hi e shkrumë seç u ndeza

Betejë pas beteje deri sa plasa

Afër Qafëthanës erdha se erdha

 

Më i rrokë n`gryk eshtrat e nënë lokës

Më u ç`mallë në legjendën e Rozafës

Nëse kënga e qyqeve sërish këtu këndohet

Varret e tokës sime ma s`do i gjeni

 

Në sytë e mi kanë jetue këngët e Homerit

Jetojnë edhe sot për nesër

E di dje kisha frikë

Deri në ashtin e fundit të Prometheut

 

Pranverë ti ishe zoti im i marsit rebel

Ferrin e krijuan për të mos na lënë të lirë

Një zot tjetër përpos ferrit nuk na lejoj Dante

Do t`i zë besë Eves në rikthimin e dashurisë

 

Deri tek Molla e Kuqe

Ec Agim se stinët kanë vetëm pranverë

Janarët kurrë s`harrojnë të na vrasin

Më bëjnë fajtor pse nuk u çmenda

Kur Metropolet Evropiane më ndanë në grimca atomi.

 

JU RRËFEVA MUZËS

Ju rrëfeva muzës dhe dy syve të mi

Ta duam Shqipërinë ma shunë se dashurinë

Shqipëri çdo çast të kam ëndêrrue në jetë

Me vite në zemër të kam fshehur

 

Me xhelozi të ruaj si diçka të vërtetë

Në shpirtin e gjyshërve përherë ke jetue

Si ma të bukurat ndër ma e bukura zonjë

Dhe unë aty të mbaj si të vetmën shqiponjë

 

Sa herë ju kam rrëfye diellit

Të më ngroh edhe me fjalën Shqipëri

Fjalën e kam përbe

Më e dashtë Shqipërinë me zemër

 

Ma shumë se dashurinë

Ju kam rrëfye edhe zotit tin

Të ma ruan Shqipërinë nga tradhëtarët

Dhe nga çdo mallkim.05 tetor 2021 AGIM DESKU

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat