Në qytetet e Kosovës shtohet numri i qenëve, pakohet numri i njerëzve!…

Kultura

Në qytetet e Kosovës shtohet numri i qenëve, pakohet numri i njerëzve!…

Nga: Sami Arifi Më: 20 shtator 2022 Në ora: 18:58
Sami Arifi

Një gjendje mjeruese po e pret Kosovën, nga se, nëpër qytete dhe fshatra të vendit tonë qe njëzet e dy vite gjithnjë e më tepër shtohen qentë endacak që për shkak të mbeturinave të shumta që ka në qytetet e Kosovës ata (qentë) gravitojnë në qytetet tona nga fushat, malet po edhe nga fshatrat e vendit tonë me shtëpi të boshatisura, ndërsa banorët e Kosovës pakohen si në qytete edhe në fshatra nga shtimi i vogël i lindjeve dhe nga migrimi i madh i qytetarëve të këtij vendi në shtetet perëndimore…

-Nëse qytetarin e kafshon qeni endacak që nuk është i askujt, meqë nuk kam dijen që në një shtet demokratik ka qen i cili nuk është i askujt, në atë shtet demokratik, shteti paguan dëmin e shëndetit të atij qytetari duke përfshirë frikën, ngarkesat psiqike e të tjera, gjithashtu ndëshkohet me dënim ministri i mbrojtjes së ambientit...

-Në qytetet e Kosovës qentë me qindëra nëpër shetitore janë të përzier me qytetarë...

-Godinat e mëdha pothuaj se janë të boshatisura nga banuesit, meqë ata janë kurbetçarë, ata jo të gjithë e bëjnë pushimin në Kosovë edhe ate një muaj në vitë, njëmbëdhjetë muajt tjerë banesat e tyre janë të boshatisura pa banues…

-Një gjendje e tillë mbretëron edhe në fshatrat e Kosovës, ku shumica e shtëpive janë të boshatisura pa banorë për njëmbëdhjetë muaj, ca të tjera shtëpi madje edhe me vite të tëra…

-Nëse nuk ndërmerret diçka serioze nga organet institucionale të shtetit për ndalimin e shtimit të qenve si dhe krijimin e kushteve për një jetë sigurie dhe mundësi punësimi për njerëzit e Kosovës si mas parandaluese që ata mos ta lëshojnë vendin, do të ndodhë që së shpejti Kosova të ketë banues më shumë me qentë endacak se sa njerëzit e Kosovës, madje ekziston frika se njerëzit e Kosovës do të pakohen aq shumë sa do të mbesin vetëm banorë pushtetarë të Kosovës së bashku me qentë që ditë e më shumë po gravitojnë, shtohen dhe po zënë hapësirat në qytetet e vendit tonë…

commentFirst article
Sot mund të lexoni Shfletoni kopertinat