Sot mbushen tre vite prej ndarjes nga jeta të mjeshtrit të madh, Gëzim Kruja. Ai la gjurmët e tij në interpretimin e mbi njëmijë roleve në skeçe të ndryshme. Bashkëpunëtorët e tij të ngushtë akoma sot i kanë kujtimet e freskëta me të.
Gjurmët që i la në humorin shqiptar mbeten ende sot të gjalla tek gjithsecili prej nesh por më shumë tek miqtë e kolegët e tij, me të cilët bashkëpunoi për shumë vite me radhë.
Kujtimet me Gëzim Krujën i kanë të freskëta ende sot e kësaj dite.
Gëzim Kruja do të spikaste me rolet e tij të shumta në skenë, jo vetëm si aktor por edhe si autor i shumë komedive, recitaleve apo librave gazmor. Në karrierën e tij mbi gjysëm shekullore, ai do të luante mbi njëmijë role në skeçe të ndryshme.