Ishte mësues i devotshëm.
Në periudhën pas Luftës së Dytë Botërore,
kur ndihej mungesa e mësuesve në Kosovë,
mësuesi Gani Mustafë Bytyçi
e përhapi dritën e dijes dhe arsimit
në vendet më të largëta të Kosovës.
Fshatarët e fshatrave Javor, Luzhnicë,
Pagarushë, Nishor dhe Kërvasari
akoma e mbajnë mend mësuesin Gani
dhe kontributin e tij në përhapjen
e dritës së arsimit dhe dijes,
në zhdukjen e territ të padrejtësive
në këtë fushë,
nga armiqtë e shqiptarëve
në mbeturinën shtetërore kroato-serbo-sllovene,
e cila bënte çmos për t’i asimiluar shqiptarët,
duke ua imponuar shkollimin
në gjuhën serbo-sllave.
Mësuesi Gani Mustafë Bytyçi
punoi ditë e natë, pa u lodhur,
për ta zhdukur tabun dhe për ta bindur popullatën
për shkollimin dhe emancipimin e femrës
si njëri ndër kushtet bazë
për zhvillimin dhe përparimin e kombit.
Në epitafin e varrit të mësuesit Gani Bytyçi shkruan:
“Unë po ndërroj jetë,
po u lë këtë amanet:
Kushtoni rëndësi arsimit nëse ia doni të mirën kombit dhe atdheut.”
