Mbyllen vendvotimet në Shtip dhe Pllasnicë

Maqedonia

Mbyllen vendvotimet në Shtip dhe Pllasnicë

Më: 13 dhjetor 2020 Në ora: 19:58
Foto ilustrim

Janë mbyllur të gjitha 77 vendvotimet në Shtip dhe nëntë vendvotime në Pllasnicë, ku qytetarët e këtyre dy vendeve sot kanë votuar për zgjedhje të kryetarit të komunës.

Në komunën e Shtipit deri në ora 18:30 të drejtën e votës e kanë shfrytëzuar 14.328 qytetarë, respektivisht 34,30 për qind, kurse Në komunën e Pllasnicës kanë votuar 1.959 qytetarë, gjegjësisht 39,54 për qind e votuesve.

Autoritet thonë se votimi u zhvillohet normalisht dhe pa pengesa, përveç parregullsve në vendvotimin 2276 në Shtip, ku dy qytetarë të moshuar pavarësisht se janë diagnostikuar me Cvoid-19 dhe kanë pasur vendim për izolim, kanë dalë për të votuar.

Banorët e Shtipit kanë pasur mundësinë të zgjedhin mes pesë kandidatëve, ndërsa banorët e Pllasnicës kanë zgjedhur mes dy kandidatëve, transmeton Alsat.

Në këto dy komuna sot janë mbajtur zgjedhjet e parakohshme lokale pasi ish-krerët e komunave kanë marrë detyra të reja në pushtetin ekzekutiv dhe ligjdhënës.

Krerët e komunave do të kenë mandat prej nëntë muajve, respektivisht deri në vjeshtë të vitit 2021 kur edhe pritet të mbahen zgjedhjet e rregullta lokale.

Në Komunën e Shtipit të drejtë vote kanë 41.777 persona, kurse në Komunën e Pllasnicës të drejtë vote kanë 4.954 persona.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat