BDI: Ibrahim Zenuni po ndëshkohet për kritikat ndaj qeverisë VLEN, detyrohet të udhëtojë nga Kumanova në Ropalçë

Maqedonia

BDI: Ibrahim Zenuni po ndëshkohet për kritikat ndaj qeverisë VLEN, detyrohet të udhëtojë nga Kumanova në Ropalçë

Nga: A.M. Më: 18 nëntor 2026 Në ora: 20:15
Amir Shabani

Amir Shabani nga Bashkimi Demokratik për Integrim (BDI) ka reaguar përmes një postimi në Facebook lidhur me situatën e Ibrahim Zenunit, ish-luftëtarit të UÇPMB-së dhe UÇK-së.

Shabani pretendon se Zenuni po ndëshkohet nga drejtori i Postave të Maqedonisë, Orhan Kurtishi, duke u detyruar të udhëtojë çdo ditë nga Kumanova në fshatin Ropalçë.

Sipas Shabanit, ky veprim ka ardhur pasi Zenuni ka kritikuar në Facebook politikat e qeverisë së VLEN-it.

Ai e ka cilësuar këtë si ndëshkim për shkak të shprehjes së lirë, duke kujtuar se Zenuni, sipas tij, nuk e kishte ndalur fjalën as gjatë luftërave të viteve 1998 dhe 2001.

Shabani ka përmendur edhe familjen e Zenunit, duke thënë se kjo situatë do t'ua vështirësojë jetën edhe fëmijëve të tij.

Në fund të reagimit, ai i ka shprehur mbështetje Zenunit me mesazhin: “Ibro, mos e ke dert, nuk je vetëm”.

Ndërkaq, pretendimet e Shabanit lidhur me arsyet e ndryshimit të vendit të punës nuk janë të konfirmuara në këtë reagim nga drejtori i Postave të Maqedonisë.

Sot mund të lexoni Shfletoni kopertinat