Kërcënoi një qytetar, kallëzohet penalisht zyrtari i MPB-së

Maqedonia

Kërcënoi një qytetar, kallëzohet penalisht zyrtari i MPB-së

Më: 15 nëntor 2026 Në ora: 11:55
Fotoilustrim

Kontrolli i Brendshëm në Ministrinë e Punëve të Brendshme ka ngritur kallëzim penal ndaj një të punësuari në Njësinë e Punëve të Brendshme në Kisella Vodë, i dyshuar për dërgimin e mesazheve kërcënuese ndaj një qytetari nga Shkupi.

Sipas MPB-së, bëhet fjalë për V.N., dokumentarist në sektorin për statistikë dhe dokumentim, i cili më 18 mars të këtij viti, përmes një aplikacioni mobil, kishte dërguar mesazhe me përmbajtje kërcënuese.

Motivi i dyshuar lidhet me një mosmarrëveshje të mëparshme me djalin e personit që kishte marrë mesazhet.

Rasti i është dorëzuar Prokurorisë Themelore Publike në Shkup për veprën penale “rrezikim i sigurisë”.

Përveç kallëzimit penal, Kontrolli i Brendshëm do të kërkojë edhe nisjen e procedurës disiplinore dhe suspendimin e të punësuarit deri në përfundimin e saj.

Sot mund të lexoni Shfletoni kopertinat