Shahpaska: Gjendja me koronavirusin në çerdhet e vendit është stabile

Maqedonia

Shahpaska: Gjendja me koronavirusin në çerdhet e vendit është stabile

Më: 22 prill 2021 Në ora: 12:09
Jagoda Shahpaska

Ministrja e Punës dhe Politikës Sociale, Jagoda Shahpaska deklaroi sot se gjendja me coronavirusin në Çerdhet e vendit është stabile. Ndërkohë që nuk bëri publik numrin e edukatorëve dhe përkëdhelësve të vaksinuar deri tani.

Sipas Shahpaskës, shifrën e këtillë duhet kërkuar në Ministrinë e Shëndetësisë.

“Numri e saktë të të vaksinuarve e ka ministria e Shëndetësisë, ne si ministri për Punë dhe Politikë Sociale përmes shkresës i dërguam listat se cili nga edukatorët dhe përkëdhelësit janë paraqitur për tu vaksinuar. Do të thotë numrin konkret nuk mund tua them , atë do ta merrni në Ministrinë e Shëndetësisë”.

“Megjithatë treguesit, ja me datën e sotme, në Komunën e Kisella Vodës, nuk ka asnjë edukator të infektuar, as edhe një fëmijë të infektuar, kjo flet se me respektimin e protokolleve dhe rekomandimeve të Komisionit për Sëmundje Infektive (KSI) gjendja në Çerdhe mund të mbahet stabile”, tha Shahpska.

Shfaq komentet
comments powered by Disqus
Sot mund të lexoni Shfletoni kopertinat