Grubi-Aggeler: Rruga evropiane kërkon një front të përbashkët të të gjitha forcave progresive

Maqedonia

Grubi-Aggeler: Rruga evropiane kërkon një front të përbashkët të të gjitha forcave progresive

Më: 5 dhjetor 2022 Në ora: 20:20
Foto nga takimi

Zv. kryeministri dhe Ministër për Sistem Politik dhe Marrëdhënie Ndërmjet Bashkësive, Artan Grubi ka takuar sot Ambasadoren e re të Shteteve të Bashkuara të Amerikës në Shkup, Angela Aggeler.

Siç thonë nga kabinet i Grubit, në takim është diskutuar mbi nevojën e ndryshimeve kushtetuese, integrimin e vendit në Bashkimin Evropian, reformat në vend, situatën politike si dhe procesin e vetingut.

“Funksionimi i koalicionit qeveritar u vlerësua cilësor dhe Grubi theksoi se rruga evropiane kërkon një front të përbashkët të të gjitha forcave progresive, derisa SHBA-të mbeten të përkushtuara fuqishëm në mbështetje të Republikës së Maqedonisë së Veriut në rrugën e reformave për të mundësuar një demokraci funksionale dhe të qëndrueshme.

Gjatë takimit është diskutuar edhe për propozimin e vetingut që duhet të përfshijë të gjithë, që nga figurat politike, gjykatësit, dhe prokurorët si formë e luftës kundër korrupsionit dhe veprim që garanton kontroll thelbësor të funksionarëve para se të zgjidhen në detyrë”, thuhet në kumtesën e lëshuar nga kabineti i Grubit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat