Martohet Alban Muçiqi, djali i Afrim Muçiqit

Mediale Vip

Martohet Alban Muçiqi, djali i Afrim Muçiqit

Më: 15 gusht 2021 Në ora: 10:31
Foto nga vendi i ngjarjes

Mbrëmë (e shtunë) është martuar djali i këngëtarit të njohur shqiptar, Afrim Muçiqi, Alban Muçiqi.

Futbollisti i njohur i ka dhënë fund beqarisë duke kurorëzur dashurinë shumëvjeçare me martesë me një vajzë nga Podujeva.

Të njëjtit organizuan një ceremoni madhështore në një nga restoret luksoze, gjersa për atmosferën u përkujdes vet Afrimi në bashkëpunim me këngëtarin nga Gjakova, Shkëlzen Jetishi-Xeni.

Albani përndryshe është portier prej vitesh në FC Prishtina, i cili njëherësh shquhet për performancat e tij të suksesshme në të gjitha ndeshjet që ka luajtur ky klub.

Afrimi në anën tjetër është baba i katër fëmijëve, gjersa është i martuar me këngëtaren Halime Mani.

Artisti këtë verë po vazhdon të jetë aktiv dhe tejet i angazhuar me mbrëmje e ahengje muzikore. 

Image
Image

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat