​Bebe Rexha dhuron 10 mijë dollarë për spitalin e Dibrës, ka një thirrje për ndjekësit e saj

Mediale Vip

​Bebe Rexha dhuron 10 mijë dollarë për spitalin e Dibrës, ka një thirrje për ndjekësit e saj

Më: 1 shtator 2021 Në ora: 14:31
Bebe Rexha

Këngëtarja Bebe Rexha së fundmi ka dhuruar 10 mijë dollarë për Spitalin e Dibrës, ndërsa u bën thirrje të gjithë ndjekësve të saj në rrjete sociale për të dhënë ndihmën e tyre.

Spitali i Dibrës nuk ka mjaftueshëm furnizime ndërsa ditët e fundit është i stërmbushur me pacientë me koronavirus.

Artistja me famë botërore, përmes një postimi në ‘Instastory’ kërkon ndihmë nga ndjekësit dhe shkruan: “Për të gjithë shqiptarët e mi dhe dibranët ju lutem ndihmoni. Nuk ka mjaftueshëm furnizime. Ju lutem ndihmoni duke dhuruar. Çdo gjë ndihmon”, ka shkruar Bebe Rexha në thirrjen e saj publike në “InstaStory”, e cila shton: “Ju lutem ndihmoni, nuk ka mjaftueshëm furnizime”.

Këngëtarja ka postuar gjithashtu linkun nga ku mund të dhurohen online para për spitalin. Deri më tani janë mbledhur 33.280 dollarë, ku 10 mijë janë dhuruar nga ajo vetë.

commentFirst article
Sot mund të lexoni Shfletoni kopertinat