Prova javore këtë herë për banorët e “Big Brother VIP” është që të mbajnë veshur një triko të bërë enkas për dy persona. Secili prej tyre zgjodhi rastësisht partnerin që do të kenë në krah, duke u ndarë dyshe-dyshe.
Një ndër “çiftet” e krijuara ishte Ilir Shaqiri dhe Beniada Nishani. Mbrëmjen e djeshme, teksa po bisedonin në oborrin e shtëpisë së bashku me Granitin, Arditin, Fifin dhe me Sabianin, Beniada bëri një veprim të papritur.
“Na çmene me këtë italishten mu në vrimë të veshit!”, i tha Iliri Beniadës në një moment kur ajo nuk po dinte se si të shprehej në shqip për shenjat e horoskopit.
Biondja seksi u kthye nga ai me fytyrë dhe i dhuroi një puthje në faqe balerinit. Por fill pas kësaj, ajo e lëpiu. Kjo shkaktoi të qeshura nga banorët e tjerë, që nisën ta ngacmonin Nishanin. E vënë në siklet, Beniada tha:
“Ua, kemi atë kamerën përpara. Uaaa, goca, gruaja. Na falni! Ngacmuesja unë…”.
Ndërkohë, Iliri për pak qëndroi si i ngrirë e më pas nisi të bënte shaka duke kënduar: “O moj bluzë, o moj bluzë! Ç’na bëre?! Kur s’ke nga ja mban!”, e më pas shtoi: “Dëgjo, unë do iki të lahem tani, hajde deri te dera e dushit. Do presësh, s’ke ç’bën se më duhet triko”.
Ndryshe, BIG Brother VIP Albania mund ta ndiqni ekskluzivisht në platformën IPKO, në dy kanale të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 31 dhe 32 në listen e kanaleve, si dhe përmbledhjen javore në kanalin TOP Channel.
