Momenti kur Einxhel hyn në shtëpi: Mos më prekni…!

Mediale Vip

Momenti kur Einxhel hyn në shtëpi: Mos më prekni…!

Më: 29 janar 2022 Në ora: 15:38
Pamje nga video

Einxhel Shkira është rikthyer në shtëpinë e Big Brother VIP Albania. Pas më shumë se 24 orësh, konkurrentja ka dalë nga spitali Hygeia dhe është rikthyer në shtëpinë e famshme. Banorët e kanë mirëpritur moderatoren e cila mban krahun e fashuar.

“Mos më prekni mos mos, duhet të shtrihem urgjent”, i thotë Einxhel banorëve që e përshëndesin dhe duan ta takojnë.

Kjo vjen pas vendimit që dha pak më parë produksioni i Big Brother për rikthimin e saj. Ajo iu nënshtrua një operacioni që zgjati për disa orë, pas incidentit që ndodhi mbrëmjen e së enjtes. Ajo u rrëzua në tokë gjatë një loje me banorët.

Menjëherë mbërriti ndihma e parë dhe në mëngjes, moderatorja u dërgua në spital. Pas operacionit, moderatorja pati mundësinë të lidhje live nga spitali, nga ku falenderoi banorët për mbështetjen që i dhanë.

Komunikoi gjithashtu me Dj Dagz që ndodhej në studio, i cili i shprehu dashurinë dhe njëherë dhe tha se mezi po pret ta takojë. Para se të merrej vendimi për rikthimin e saj, Arbana kërkoi miratimin e banorëve për shkak të kujdesit që duhet të tregojnë ndaj saj.

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat