Kim Kardashian: Kanye donte të linte gjithçka për të qenë stilisti im

Mediale Vip

Kim Kardashian: Kanye donte të linte gjithçka për të qenë stilisti im

Më: 13 prill 2022 Në ora: 00:56
Kim Kardashian dhe Kanye West

Në episodin e parë të “The Kardashians”, Kim Kardashian na ka treguar një copëz nga jeta e saj me ish-bashkëshortin Kanye West, para se të lidhej me të dashurin aktual, Pete Davidson.

Themeluesja e “SKIMS” shihet në video teksa i thotë shoqes së saj ndërsa po zgjidhte pamjet për një paraqitje në emisionin “Saturday Night Live”:

“Kanye dëshiron të heqë dorë nga gjithçka dhe të jetë stilisti im“.

Ylli i “The Keeping Up With The Kardashians”, 41 vjeç, filloi të takohej me komedianin e “Saturday Night Live”, 28 vjeç, në fund të vitit të kaluar dhe shpejt u përfshi në një ‘grindje’ virtuale të ashpër publike me ish-bashkëshortin e saj, 44 vjeç.

Kujtojmë se Kanye dhe Kim s’janë më bashkë dhe interneti u mor gjerë e gjatë me divorcin e tyre.

Teksa Kim shijon romancën e saj të re me Pete Davidson, po ashtu Kanye ka nisur një lidhje të re me Chaney Jones.

Mirëpo, dy ish-partnerët kanë pasur vazhdimisht “gërricje” mes tyre dhe në të shumtën e rasteve për fëmijët.

Reperi akuzonte yllin e “KUWTK” se nuk e lejoi të shohë e të takojë fëmijët e tij, mirëpo gjërat sot mes tyre janë zgjidhur.

Pasi e ka kuptuar gabimin, Kanye i ka premtuar Kim-it se nuk do ta shqetësojë më, nuk do të bëjë deklarata publike për të dhe Pete, do të përpiqet të bashkëpunojë sa më mirë në rritjen e fëmijëve dhe do të largohet për pak kohë për t’u kuruar (s’dihet si).

Kim Kardashian dhe ish-bashkeshorti i saj, Kanye West janë parë së bashku gjatë fundjavës për të mbështetur djalin e tyre në ndeshjen e tij të futbollit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat