Amber Heard thotë se një lidhje e perceptuar me aktorin tjetër James Franco bëri që ish-bashkëshorti Johnny Depp ta godiste atë me shkel në vitin 2014.
Duke mbajtur qëndrimin për të dytën ditë si pjesë e një gjyqi për shpifje prej shumë milionë dollarësh, Heard tha se Depp ishte shumë xheloz dhe që konsumonte shumë drogë.
Depp e ka paditur Amber Heard për 50 milionë dollarë, për një artikull në të cilin ajo thoshte se ishte viktime e abuzimit.
Në anën tjetër, ajo ka vendosur kundërpadi për 100 milionë dollarë.
Heard pretendoi se shumë nga zemërimi i ish-bashkëshortit të saj ishte shkaktuar nga besimi i tij se ajo po shihte James Franco, të cilin ajo tha se Depp “e urrente”.
Franco luajti së bashku me Heard në Pineapple Express dhe The Adderall Diaries.
“Për shkak të xhelozisë”, tha ajo,” Depp u zemërua dhe gjatë udhëtimit nga Bostoni në Los Angeles, gjithnjë më ka marrë në pyetje dhe më ka shqelmuar”.
“Ai vetëm më goditi me shkelm në shpinë. Unë rashë në dysheme,” tha ajo. “Askush nuk tha asgjë. Askush nuk bëri asgjë”.
Gjykata dëgjoi gjithashtu një incizim që dyshohet se në fluturim, për të cilin Heard po fliste, Depp po “ulëriste” ndërsa po vuante nga efektet e përdorimit të drogës.
Juristët kanë dëgjuar vazhdimisht për incidentin në fluturim.
Në dëshminë e tij, Depp tha se ai mori pilula Oxycodone dhe ra në gjumë për ta shmangur atë.
Gjatë dëshmisë së saj, Depp ndonjëherë mund të shihej duke mbyllur sytë ose duke tundur kokën në heshtje.
Heard pretendoi se ajo u grind me Depp pas një debati për vajzën e tij Lily-Rose, e cila ishte rreth 14 vjeç në atë kohë.
Heard tregoi gjithashtu shkëmbimin e betimeve të dasmës në dhomën e ndenjes së nënës së Depp, e ndjekur nga një ceremoni në ishullin e tij privat.
“Ishte e komplikuar, por ai ishte dashuria e jetës sime,” tha ajo për dëshirën e saj për t’u martuar me të.
Duke detajuar një diskutim mbi një marrëveshje paramartesore me Depp, ajo pretendoi se Depp i tha asaj se “e vetmja rrugëdalje nga kjo është vdekja”.
Gjatë seancave të mëparshme gjyqësore, Depp ka pretenduar se nuk e ka goditur Amber Heard, apo ndonjë grua tjetër. Në vend të kësaj, ai tha se ajo shpesh abuzonte me veten dhe kishte “një nevojë për konflikt”.
