Ndërkohë që fansat janë në pritje të bashkëpunimit ndërmjet Taynas, Mozzikut dhe Butrint Imerit, reperja ka joshur me pozat e shpërndara në rrjetet sociale.
E njohur për linjat e admiruara trupore, Doruntina Shala (emri i vërtetë) ka sjellë imazhe atraktive duke theksuar figurën e saj e veshur me rroba me ngjyrë rozë.
Reperja nga Prizreni, i cila ndiqet nga më shumë se 1.5 milion fansa në Instagram, ka marrë dhjetëra mijëra pëlqime në fotografitë e postuara, por edhe mijëra komente.
Nga emrat e shumtë të skenës që i kanë komentuar ka spikatur komenti i reperit Mozzik.
Në përshkrimin e Taynas: “Ai më thirr ‘bad gyal’” (që i referohet një femre tërheqëse që ka qëllime ‘jo të mira’), reperi ylli nga Ferizaj ka shkruar: “Kush ai, ai, ai? Ceke me emër”.
Ndryshe, Taynas, Mozzikut dhe Butrinti janë në përgatitje të projektit muzikore që pritet të titullohet “Pare”.
