Bono, këngëtari i grupit irlandez të rokut U2, ka zbuluar se ka një vëlla tjetër, për të cilin nuk e dinte se ekzistonte për dekada të tëra, shkruan BBC të dielën.
"Unë kam një vëlla tjetër, të cilin e dua dhe e adhuroj, të cilin nuk e dija se e kisha," tha Bono në Desert Island Discs në BBC Radio 4.
Këngëtari tha se mësoi për gjysmë-vëllain e tij në vitin 2000, duke shtuar se ai "u pajtua" me të.
Bono i tha prezantuesit se nëna e tij Iris, e cila vdiq në vitin 1974, nuk e dinte që burri i saj kishte një fëmijë me një grua tjetër.
"Është një familje shumë e ngushtë dhe kuptova se babai im ka një miqësi të thellë me atë grua të bukur... dhe më pas ata lindën një fëmijë. Dhe e gjithë kjo u mbajt sekret," tha Bono.
Pasi Bono e zbuloi, ai foli me babanë e tij Bob para vdekjes së tij më 2001.
“E pyeta nëse e donte mamanë time dhe ai tha ‘po’, kujton Bono.
"Unë thashë: "Atëherë si mund të ndodhte kjo?" Dhe babai im u përgjigj: "Mund të ishte."
Ai nuk kërkoi falje, thjesht deklaroi, “dhe u pajtova me të”, përfundoi Bono.
