Aktorja e famshme angleze, Kara Tointon, është ndarë nga i fejuari i saj – i cili u fotografua duke u puthur me një grua misterioze.
Marius Jensen, 37-vjeçar, u pa të enjten duke dalë nga një klub nate në Londër së bashku me një vajzë.
Dhe më vonë u konfirmua se ish-ylli i “EastEnders”, Kara, 39-vjeçare dhe Marius – babai i dy fëmijëve te saj, tre dhe një vjeç – nuk janë më çift.
Një burim tha: “Kara dhe Marius u ndanë në heshtje rreth dhjetë muaj më parë”.
“Ata të dy ende kujdesen për njëri-tjetrin, por e morën vendimin se nuk kishte të ardhme për ta si çift”.
“Ata mbeten miq dhe të dy janë shumë të përkushtuar për dy fëmijët e tyre”, shtoi burimi.
Kara, e cila fitoi në “Stricly” në 2010 dhe Jensen janë së bashku që nga viti 2016.
