Kush është VIP-i më i kërkuar në Google për vitin 2022? Zbuloni emrin

Mediale Vip

Kush është VIP-i më i kërkuar në Google për vitin 2022? Zbuloni emrin

Më: 26 nëntor 2022 Në ora: 12:47
Foto ilustrim

Së fundmi CelebTattler analizoi tendencat e kërkimit në Google në vitin 2022, duke gjurmuar mbi 150 personazhe të famshëm dhe duke zbuluar personat më të kërkuar për këtë vit.

Aktorja e njohur Amber Heard, qëndronte në vendin e parë si më e kërkuara në Google për këtë vit. Amber kryesoi listën, me një mesatare prej 5.6 milionë kërkimesh çdo muaj në SHBA.

Aktori Johnny Depp, është në vendin e dytë, me 5.5 milionë kërkime në muaj. Në vendin e tretë qëndronte mbretëresha e ndjerë Elizabeth me 4.3 milion kërkime në Google. Më pas renditeshin Tom Brady, Kim Kardashian, Pete Davidson, Elon Musk. Tom Brady ishte atleti më i kërkuar në Google për vitin 2022 dhe i katërti i famshëm më i kërkuar me 4.06 milionë klikime në muaj.

Kim Kardashian dhe ish-i i saj Pete Davidson u renditën në vendin e pestë dhe të gjashtë respektivisht. Themeluesja e SKIMS dhe SKNN, u kërkua 3.4 milionë herë në muaj në vitin 2022. Pete Davidson, nga ana tjetër, grumbulloi një mesatare mujore prej 3.2 milionë klikime. Miliarderi i teknologjisë Elon Musk u rendit i shtati në listë, duke grumbulluar 3.19 milionë kërkime në Google në muaj në SHBA.

Ndërkaq, Will Smith u rendit i teti në listë, me 3.15 milionë kërkime mujore. Në vendin e nëntë dhe të dhjetë ishin Millie Bobby Brown nga fama e “Stranger Things” dhe ylli i “Euphoria” Zendaya. Aktoret u kërkuan në Google përkatësisht 2.78 milionë dhe 2.71 milionë herë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat