Arta Selimi është eliminuar nga gara e Big Brother VIP Kosova.
Aktorja, e cila qëndroi për më shumë se dy muaj brenda shtëpisë së famshme, u largua në spektaklin e natës së sotme (e premte).
Ajo ishte në nominim me banorët e tjerë: Brunon, Vedat Bajramin, Mbresën dhe Artan Thaçin.
Në qëndrimin prej më shumë se 80 ditësh, ajo tregoi shumë gjëra rreth jetës dhe karrierës profesionale, por shpesh ishte e përfshirë edhe në debate me konkurrentët e tjerë.
Në biletën e fatit thuhej se ka përfunduar rrugëtimi i saj në Big Brother VIP Kosova.
Përkundër kësaj, Selimi këtë kohë ka fituar zemrat e publikut me gjithë ato që ka sjell brenda.
Duhet theksuar që kanë mbetur edhe pak ditë deri në përfundim të edicionit të parë të Big Brother VIP Kosova.
